Posted by Public Info on October 01, 19103 at 14:42:38:
> > 講感冒同病毒,當中有講到1918年世紀大疫症,
> > 個情況同依家個 SARS 真係好相似,話說當年源頭來自一個美國農民,
> > 佢病發之後好返,但就已經感染到幾十人,之後適逄第一次世界大戰,
> > 美國當時都未知道隻病毒咁利害,派兵去歐洲打仗,咁就出事喇,
> >
> > 結果全世界都中招,而當年隻病毒同今日隻 SARS 相似在,
> > 又係即使戴口罩都唔可以百份百防感染,亦都係對成年人影晌最大,
> > 小朋友反而死亡率好低,而且死狀都幾恐怖,因為病毒又係入侵肺部,
> > 令肺部發炎潰爛,又因為肺部供給唔到氧氣比其他器官,
> > 結果個死者全身都會因缺氧而變藍,手指腳指會潰爛,而當年呢場疫症,
> >
> > 全世界死者係以千萬計,都真係好大鑊。
> > 美國軍部至今仍保存當年部份屍體殘骸,班專家於是搵返當年隻病毒樣
> > 本作出基因重組,發現當年隻病毒原來由豬的病毒變種得來,
> > 而豬同禽鳥類亦都係可傳人變種病毒的最大源頭,
> > 外國班專家一直都認為亞洲地區,人禽畜的生活空間太接近,
> > 病毒變種機會係好高,危險度絕對唔可以忽視。
> >
> > 1918年世紀大疫症歷時18個月,之後就消失左,
> > 原因在於受感染者死既死,康復者又已經有抗體,
> > 隻病毒再傳無可傳,結果就自己消失於天地間........
> > 唔怪得今次有專家預言,香港要過渡呢場疫症,
> > 好大機會要全港八成人患病病癒後,疫症會自然消散,
> > 原來係有跡可尋.......